„Ég er nátturulega bara ánægður með þrjú stig, Það voru ekkert meira en þrjú stig í boði úr þessu og það var bara markmiðið í þessum leik,“ sagði Jón Þórir Sveinsson, þjálfari Fram, eftir 1-0 sigur liðsins á Þrótti Reykjavík í Safamýri í dag.
Lestu um leikinn: Fram 1 - 0 Þróttur R.
Spurður hvort úrslit leiksins gæfu kannski ranga mynd af gangi hans sagði Jón: „Já, vissulega. Við fengum töluvert mikið af færum, góðum færum, inn í vítateig og af 10-11 metrum. En við náðum ekki að setja annað markið og þar af leiðandi þá var leikurinn spennandi út allan leikinn. Þó þeir hafi átt 2-3 ágætis skot í fyrri hálfleik þá í seinni hálfleiknum ógnuðu þeir ekki markinu mikið. “
Spurður um frammistöðu Haralds Einars í leiknum sagði hann: „Halli er mjög klókur leikmaður. Hann hefur alveg fengið á sig hraða menn áður og leysir það vel.“
Athugasemdir