Fótbolti.net

17 ára á toppnum í Danmörku - „Finnst ég vera á sama getustigi ef ekki betri“

Ísak Andri tók fund með meisturunum - „Skoða alla möguleika núna í janúar“

Fótbolta nördinn - Draumaliðið vs KR

Kristall Máni: Hef alltaf vitað að fótboltahæfileikarnir hverfa ekki

Jóladagatalið: Stólar fullir af hálfvitum

Jóladagatalið: „Vonandi hefur Gummi Ben eitthvað lært af þessu“

Kominn í grænt eftir eitt tímabil í Svíþjóð - „Eftir það tók ég ákvörðun um að fara annað“

Ætlaði ekki að koma heim - „Þegar ég talaði við Óskar lá þetta fyrir“

Jóladagatalið: Kristján Óli eftir að hafa skorað ljótasta markið á ferlinum

Jóladagatalið: Auðunn Blöndal og Gaui Þórðar í geitungavandræðum

Ísak bendir á augljóst vandamál: Erum ekki nógu góðir þar

Jóladagatalið: Allir á þjóðhátið, það er skylda hjá mér!

Æfingaleikur: Aron Kristófer skoraði frá miðju gegn Leikni

Jóladagatalið: Þið vitið aldrei neitt um okkur

„Láki tengdi okkur við góðan mann erlendis"

Ævintýraþjálfari Völsungs: Þegar þú ferðast um heiminn verður þú að taka ákvarðanir hratt

Ólafur Ingi: Heilt yfir stoltur en fannst við vera pínu klaufar

Margt í gangi í hausnum á Damir fyrir leikinn - „Spurðu þá sem stjórna klúbbnum“

Höskuldur: Þau eru ekkert verðugri en við að vera þarna

Anton Ari: Sannaði fyrir mér að við áttum alveg erindi hingað

mán 07. júlí 2025 13:43

Guðmundur Aðalsteinn Ásgeirsson
Thun

Steini: Ég er með samning áfram

Þorsteinn Halldórsson, landsliðsþjálfari.

Mynd: Fótbolti.net - Hafliði Breiðfjörð

Þorsteinn er að stýra Íslandi á sínu öðru Evrópumóti.

Mynd: Jónína Guðbjörg Guðbjartsdóttir

„Þetta er erfitt, þungt. Það var þungt þegar við komum upp á hótel, í morgun og allt svoleiðis. Það tekur tíma að jafna sig og við þurfum að gefa leikmönnum og fólki í kringum andrými til að taka þetta inn," sagði Þorsteinn Halldórsson, landsliðsþjálfari, þegar hann ræddi við Fótbolta.net í dag.

Ísland er úr leik á EM eftir 0-2 tap gegn heimakonum í Sviss í gær. Liðið náði ekki markmiðum sínum og er með núll stig eftir tvo leiki.

„Það var margt jákvætt í þessum leik í en fótbolti snýst um að skora mörk."

Hvernig var að fara inn í klefa eftir leik og tala við stelpurnar?

„Þetta er erfitt. Þegar þú setur þér háleit markmið þá getur brugðið til beggja vona. Auðvitað er það þungt að vera í þeirri stöðu að ná ekki markmiðum þínum. Það er alltaf erfitt, en lífið heldur áfram. Við eigum einn leik eftir í mótinu og við þurfum að gjöra svo vel að koma okkur í standa fyrir hann."

Þorsteinn segir enga stóra eftirsjá í þessum tveimur leikjum sem búnir eru, en það séu hlutir sem hann skoði hjá sjálfum sér sem hann hefði getað gert betur.

Annað hef ég ekkert hugsað um
Núna er leikur við Noreg eftir nokkra daga og svo tekur ný undankeppni fyrir HM við. Er Þorsteinn farinn að leiða hugann að framtíðinni?

„Nei, ekki neitt. Ég er bara að hugsa um Noreg næst og að klára þetta. Hrista þennan leik úr okkur og svo er Noregur næst. Annað hef ég ekkert hugsað um."

Það hefur myndast umræða um framtíð Steina með liðið. Hann er samning út næstu undankeppni en hann fékk þann samning fyrir EM í Englandi sem var fyrir þremur árum. Hann var spurður að því í viðtalinu hvort hann vilji halda áfram með liðið eftir þetta mót.

„Ég er með samning áfram. Svo setjumst við niður og tökum einhverja ákvörðun með það ef til þess kemur. En eins og ég segi, þá er ég ekkert að spá í það," sagði Steini.

Allt viðtalið er í spilaranum hér að ofan.