Sydney Schertenleib.
Sydney í leik gegn Íslandi fyrr á þessu ári.
Það eru nokkrir áhugaverðir leikmenn í liði Sviss sem mætir Íslandi á Evrópumótinu í kvöld.
Þorsteinn Halldórsson, landsliðsþjálfari, var spurður að því á fréttamannafundi í gær hvaða leikmenn við þyrftum helst að fókusa á í svissneska liðinu. Nefndi fréttamaður Fótbolta.net Liu Walti, leikmann Arsenal, og Sydney Schertenleib, leikmann Barcelona, í spurningunni.
Þorsteinn Halldórsson, landsliðsþjálfari, var spurður að því á fréttamannafundi í gær hvaða leikmenn við þyrftum helst að fókusa á í svissneska liðinu. Nefndi fréttamaður Fótbolta.net Liu Walti, leikmann Arsenal, og Sydney Schertenleib, leikmann Barcelona, í spurningunni.
„Þú sagðir eiginlega bara nöfnin," sagði Steini og brosti.
„Það eru þarna fleiri leikmenn sem eru virkilega góðir. Ef þú horfðir á leikinn gegn Noregi þá sástu vængbakverðina sem spiluðu frábærlega. Svo eru þær heilt yfir með góða leikmenn. Hún kom bara inn á, ég kann ekki að bara fram nafnið á henni (Schertenleib), sorrý. Senterarnir hjá þeim í leiknum voru virkilega góðir. Liðið er með góða leikmenn. Þú skoðar bara í hvaða liðum þær eru að spila, þetta eru flottir leikmenn."
Steini bætti svo við:
„Það eru njósnarar á öllum þessum leikjum og helmingurinn af njósnaraborðinu var að fylgjast með leikmanni númer 22 í Sviss."
Átti hann þar við hina 18 ára gömlu Schertenleib sem er á mála hjá Barcelona. Hún kom bara inn á sem varamaður í fyrsta leik gegn Noregi en gæti fengið stærra hlutverk gegn Íslandi.
Athugasemdir
