Man Utd ætlar að bjóða Calvert-Lewin samning - Al Nassr á eftir Rodrygo - Chelsea fylgist með stöðu Nwaneri
   sun 06. júlí 2025 20:00
Ívan Guðjón Baldursson
Cajuste snýr ekki aftur í ensku úrvalsdeildina
Cajuste, sem á 25 landsleiki að baki fyrir Svíþjóð, gerði flotta hluti á láni með Ipswich á síðustu leiktíð.
Cajuste, sem á 25 landsleiki að baki fyrir Svíþjóð, gerði flotta hluti á láni með Ipswich á síðustu leiktíð.
Mynd: Ipswich Town
Sænski landsliðsmaðurinn Jens Cajuste fer ekki aftur í ensku úrvalsdeildina í sumar þrátt fyrir sterka orðróma.

Burnley, Crystal Palace og Ipswich voru meðal áhugasamra félaga en tyrkneska stórveldið Besiktas er búið að vinna kapphlaupið.

Besiktas fær Cajuste á eins árs lánssamningi með kaupskyldu sem virkjast ef ákveðnum skilyrðum verður mætt.

Tyrkneska félagið greiðir eina milljón evra fyrir lánssamninginn og hljóðar kaupskyldan upp á 6,5 milljónir til viðbótar.

Ítalíumeistarar Napoli hafa gefið Cajuste leyfi til að ferðast til Tyrklands, þar sem hann mun gangast undir læknisskoðun áður en hann skrifar undir samning.
Athugasemdir