Selfosskonur sátu í sófanum þegar ÍH og Völsungur, liðin sem eru í öðru og þriðja sæti, misstigu sig bæði á útivelli.

ÍH gerði óvænt jafntefli gegn Sindra á meðan Völsungur steinlá eftir ótrúlegan seinni hálfleik á Álftanesi.

ÍH lenti undir gegn Sindra en Ingibjörg Magnúsdóttir var afar snögg að jafna metin til að tryggja stig.

Á Álftanesi var staðan jöfn 2-2 í leikhlé en það virtist ekki vera nein leið til að stöðva markaflóðið sem fór af stað í síðari hálfleik.

Emma Lake Nicholson tók forystuna fyrir Völsung þegar hún fullkomnaði þrennuna sína í upphafi síðari hálfleiks en það dugði ekki til. Halla Bríet Kristjánsdóttir kom Húsvíkingum í tveggja marka forystu en þá hrundi allt, í stöðunni 2-4 fyrir Völsungi.

Anna Katrín Ólafsdóttir og Ásthildur Lilja Atladóttir voru ótrúlega fljótar að jafna metin fyrir heimakonur áður en Þóra María Hjaltadóttir lét til sín taka með tveimur mörkum á jafn mörgum mínútum.

Þóra María fullkomnaði þannig þrennu á meðan Anna Katrín setti tvö í því sem reyndist að lokum ótrúlegur 7-4 endurkomusigur.

Álftanes er aðeins með 9 stig eftir 8 umferðir, tólf stigum á eftir Völsungi.

Að lokum sigraði Vestri þægilegan 4-1 sigur gegn ÍR í neðri hlutanum.

Sindri 1 - 1 ÍH
1-0 Arna Ósk Arnarsdóttir ('73 )
1-1 Ingibjörg Magnúsdóttir ('74 )

Álftanes 7 - 4 Völsungur
1-0 Þóra María Hjaltadóttir ('5 )
1-1 Emma Lake Nicholson ('21 )
1-2 Emma Lake Nicholson ('23 )
2-2 Halldóra Hörn Skúladóttir ('27 )
2-3 Emma Lake Nicholson ('50 )
2-4 Halla Bríet Kristjánsdóttir ('58 )
3-4 Anna Katrín Ólafsdóttir ('61 )
4-4 Ásthildur Lilja Atladóttir ('62 )
5-4 Þóra María Hjaltadóttir ('68 )
6-4 Þóra María Hjaltadóttir ('69 )
7-4 Anna Katrín Ólafsdóttir ('74 )

Vestri 4 - 1 ÍR
1-0 Alyssa Yana Daily ('17 )
1-1 Helga Kristinsdóttir ('30 )
2-1 Lauren Grace Woodcock ('65 , Mark úr víti)
3-1 Andrea Martinez Monteagudo ('68 )
4-1 Chloe Hennigan ('70 )