Messi vann.
Mohamed Salah, leikmaður Liverpool, hafði ekkert að segja um Ballon d'Or valið en þessi verðlaun voru afhent í vikunni.
Lionel Messi var þar valinn besti leikmaður ársins en hann vann bikarinn með Barcelona á sðustu leiktíð og Copa America með Argentínu.
Messi hefur hins vegar ekki staðist væntingar hjá Paris Saint-Germain seinni hluta árs og kom valið mörgum á óvart.
Salah hefur átt virkilega gott ár með Liverpool en hann var aðeins í sjöunda sæti á listanum sem vakti einnig töluverða athygli.
Salah skoraði tvö mörk í 4-1 sigri á Everton á miðvikudaginn en hann hefur alls skorað 19 mörk í 19 leikjum á tímabilinu.
„Ég hef ekkert að segja," svaraði Salah er blaðamaður spurði hann út í valið og bætti við að hann vonaðist eftir því að verða hærri á listanum á næsta ári.
Það eru einhverjar líkur á að Egyptinn sé ansi fúll og þá sérstaklega með að vera svo neðarlega í valinu.
Athugasemdir
