Loksins er kominn hlaðvarpsþáttur sem fjallar einungis um ítalska boltann. Björn Már Ólafsson mun í vetur gera reglulega þætti þar sem hann fer yfir það sem er að gerast í ítalska boltanum. Verður fjallað um Íslendingana í deildinni, skemmtilegar sögur, rifjaðar upp goðsagnir og svo verða í hverjum þætti veitt veitt hin skemmtilegu verðlaun „gullna ruslatunnan", eða „Bidone d'oro".

Fyrsti þátturinn er upphitunarþáttur þar sem við fáum að kynnast öllum liðunum í deildinni áður en leiktíðin fer almennilega af stað. Prófasvindlarinn Suarez er til umræðu, hamfarirnar í Rómarborg og svo verða sagðar stórar fréttir af rúmenskum landsliðsmanni, sem gæti mætt okkur Íslendingum á Laugardalsvelli um næstu helgi. Eða hvað?