Aron, sem er 31 árs, hefur leikið erlendis síðan hann yfirgaf Fjölni árið 2010. Hann hefur spilað í Danmörku, Hollandi, Þýskalandi, Svíþjóð og nú síðast í Póllandi.

Aron ólst upp á Íslandi og á íslenska foreldra, en hann fæddist í Bandaríkjunum og kaus að spila fyrir bandaríska landsliðið. Hann á 19 landsleiki að baki fyrir Bandaríkin og spilaði meðal annars fyrir hönd þjóðarinnar á HM 2014 í Brasilíu.

Heiðar er 26 ára gamall og er uppalinn hjá Stjörnunni. Hans aðalstaða er hægri bakvörður en hann er fjölhæfur og getur leyst ýmsar aðrar stöður. Heiðar lék 153 leiki fyrir Garðabæjarfélagið og skoraði í þeim 3 mörk.

Sjá einnig:
Heiðar sendir Stjörnumönnum kveðju

Valsmenn höfnuðu í fimmta sæti í Pepsi Max-deildinni í sumar eftir að hafa orðið Íslandsmeistarar í fyrra. Þeir gáfu rækilega eftir seinni hluta liðins tímabils og náðu ekki að komast í Evrópukeppni.

Staðfest #fotboltinet pic.twitter.com/JidwlK9Ncw

— Elvar Geir Magnússon (@elvargeir) November 4, 2021