Stjarnan tapaði fyrir stórliði Vals í fyrstu umferð Pepsi Max-deildar kvenna í kvöld.
Stjörnustúlkur stóðu þó vel í andstæðingum sínum og var Anna María Baldursdóttir fengin í viðtal að leikslokum.
Anna María vildi fá vítaspyrnu á lokamínútum leiksins þegar henni fannst hún hafa verið toguð niður innan vítateigs en ekkert var dæmt.
„Mér fannst þetta bara hörkuleikur og við höfðum í fullu tré við þær. Við náðum að hrista af okkur hrollinn eftir byrjunina og spiluðum vel," sagði Anna María.
„Mér fannst ég vera toguð niður, hún togaði allavega í peysuna. Ég veit ekki hvort það hafi verið nóg til að dæma víti en mér fannst þetta vera víti."
Anna sagðist að lokum vera búin að ná sér alveg eftir meiðslin sem herjuðu á hana í fyrra og er bjartsýn fyrir snöggum bata liðsfélaga sinna sem eru fjarri góðu gamni.
Athugasemdir