Cristiano Ronaldo komst á blað þegar Al-Nassr vann Al-Ain í Meistaradeild Asíu í kvöld.
Al-Nassr komst yfir snemma leiks og eftir hálftíma leik bætti Ronaldo öðru marki liðsins við eftir mistök hjá markmanni Al-Ain. Al-Nassr vann að lokum 5-1.
Ronaldo hefur átt erfitt uppdráttar fyrir framan markið að undanförnu á hans mælikvarða en hann hafði ekki skorað í þremur leikjum í röð fyrir leikinn í kvöld.
Al-Nassr er með tíu stig í 3. sæti eftir fjóra leiki. Fjórar umferðir eru eftir en átta efstu liðin komast áfram.
Athugasemdir
