Shelvey heldur leik áfram. Viðbrögð Andy Carroll má sjá í bakgrunni, hann sér að aðstoðardómarinn lyfti upp flagginu.
Newcastle lagði Sheffield United á útivelli, 0-2 í kvöld. Þetta var þriðji sigur Newcastle í síðustu fimm leikjum og liðið hefur krækt í 10 af síðustu 15 stigum sem hafa verið í boði.
Allan Saint-Maximin kom Newcastle yfir með skallamarki eftir 15 mínútna leik og í seinni hálfleik innsiglaði Jonjo Shelvey sigurinn með furðulegu marki.
Allan Saint-Maximin kom Newcastle yfir með skallamarki eftir 15 mínútna leik og í seinni hálfleik innsiglaði Jonjo Shelvey sigurinn með furðulegu marki.
Markið kom á 69. mínútu, Andy Carroll flikkaði boltanum afturfyrir sig og þar var Jonjo Shelvey einn á auðum sjó. Aðstoðardómarinn þessum megin vallarins lyfti flaggi sínu en dómari leiksins leyfði Shelvey að halda áfram.
Sjá einnig:
Bruce um seinna markið: Hefði mátt halda flagginu niðri - Vel gert Jonjo
Enginn reyndi að elta Shelvey og skoraði hann framhjá Dean Henderson í marki Sheffield. Dómari leiksins flautaði í kjölfarið og dæmdi markið af. VAR leiðrétti svo mistökin og markið stóð. Mörkin úr leiknum má sjá hér að neðan, markið umrædda kemur eftir um 30 sekúndur af myndbandinu.
Athugasemdir