Þýskaland: Dortmund og Gladbach gerðu jafntefli

Daichi Kamada kom Frankfurt yfir snemma leiks og leiddu heimamenn í Frankfurt eftir jafnan fyrri hálfleik. Í síðari hálfleik jafnaði hinn efnilegi Giovanni Reyna eftir stoðsendingu frá Jadon Sancho.

Það var aðeins eitt lið á vellinum eftir leikhlé og gestirnir frá Dortmund óheppnir að skora ekki. Erling Braut Haaland var ekki með vegna meiðsla.

Dortmund er í þriðja sæti með 19 stig eftir 10 umferðir, þremur stigum eftir toppliði Bayern sem á leik til góða við RB Leipzig síðar í dag.

Frankfurt 1 - 1 Dortmund
1-0 Daichi Kamada ('9 )
1-1 Giovanni Reyna ('56 )

Borussia Mönchengladbach gerði þá jafntefli við Freiburg í hörkuleik þar sem heimamenn í Freiburg voru betri.

Breel Embolo og Alassane Plea skoruðu mörk Gladbach sem er komið með 16 stig eftir 10 umferðir.

Wolfsburg er þá í fimmta sæti með 18 stig eftir jafntefli við Köln og hafði Arminia Bielefeld betur gegn Mainz í fallbaráttuslag.

Freiburg 2 - 2 Gladbach
0-1 Breel Embolo ('23 )
1-1 Philipp Lienhart ('32 )
2-1 Vincenzo Grifo ('49 , víti)
2-2 Alassane Plea ('50 )

Koln 2 - 2 Wolfsburg
1-0 Jan Thielmann ('18 )
1-1 Maximilian Arnold ('29 )
2-1 Ondrej Duda ('43 )
2-2 Wout Weghorst ('47 )

Arminia Bielefeld 2 - 1 Mainz
1-0 Manuel Prietl ('21 )
2-0 Ritsu Doan ('31 )
2-1 Kevin Stoger ('82 )