Gunnar er tvítugur varnarmaður sem er uppalinn í Stjörnunni en hann fór þaðan í Álftanes þar sem hann spilaði sumarið 2020 áður en hann hélt til KFG fyrir síðasta tímabil.

Hann gerði frábæra hluti hjá KFG, spilaði 21 leik og skoraði eitt mark er liðið hafnaði í 3. sæti í 3. deild og eftir tímabilið var hann valinn efnilegasti leikmaður deildarinnar á Fótbolti.net og í liði ársins.

Gunnar fékk mikið lof fyrir frammistöðu sína og er nú mættur til Aftureldingar þar sem hann gerði tveggja ára samning. Hann verður væntanlega klár í slaginn er Afturelding spilar við KV í Fótbolta.net-mótinu á morgun.

„Gunnar hefur æft með okkur frá því að undirbúningstímabilið hófst í haust. Við í þjálfarateyminu höfum verið ánægðir með frammistöðu Gunnars og teljum að hann geti haldið áfram að bæta sig sem leikmaður í Mosfellsbænum," sagði Magnús Már Einarsson, þjálfari Aftureldingar.

Tweet

Senda a Facebook Hafdu samband Senda frétt Prenta frétt Frétta leit