Stuðningsmenn Manchester City.
Sjö stór stuðningsmannafélög Manchester City hafa í sameiningu sent opið bréf til félagsins þar sem hækkandi miðaverði er mótmælt. Sagt er að hætta sé á að dyggum stuðningsmönnum sé haldið frá leikjum vegna miðaverðsins.
Bréfið er stílað á stjórnarformanninn Khaldoon al-Mubarak og þar er bent á að félagið hafi skilað hagnaði öll tímabil síðan 2014, ef undanskilið er ár þar sem Covid heimsfaraldurinn hafði áhrif.
„Félagið er fljótt að leggja áherslu á tengsl sín við Manchester.
Í nýjustu ársskýrslu okkar talaði framkvæmdastjórinn Ferran Soriano um ást sína á borginni," segir í bréfinu.
„Það þarf að gæta þess að missa ekki þá tengingu. Hvað væri þetta félag án Manchester? Gælunafn okkar, the Citizens, vísar til róta okkar í borginni. Með því að gera það nánast ómögulegt að fá hefðbundinn ársmiða er City að rjúfa kynslóðatengslin á milli stuðningsmanna og félagsins."
Athugasemdir
