Yamal hefur komið að 27 mörkum í 35 leikjum það sem af er tímabils.
Jorge Mendes umboðsmaður Lamine Yamal og Ansu Fati svaraði spurningum um skjólstæðinga sína í gær.
Hann staðfesti að Yamal er að gera nýjan samning við Barcelona á meðan staðan er aðeins flóknari hjá Ansu Fati.
„Lamine Yamal mun skrifa undir nýjan samning hjá Barca. Við erum búnir að funda saman og það er öruggt;" sagði Mendes og ræddi svo Ansu Fati.
„Ansu hefur sýnt að hann er góður í fótbolta og hann er við góða heilsu, núna þarf hann bara meiri spiltíma. Það er erfitt að komast að hjá sterku liði eins og Barcelona."
Ansu Fati er 22 ára gamall og á rúmlega tvö ár eftir af samningi við Barca. Hinn 17 ára gamli Yamal er með rúmt ár eftir af samningi sínum.
Athugasemdir
