Heimild: Bold
Tobias Thomsen gekk í raðir Breiðabliks frá portúgalska félaginu Torreense í upphafi vikunnar. Danski framherjinn lék í B-deild Portúgals þangað til núna í mars og í viðtali við danska miðilinn Bold fór hann yfir viðskilnaðinn við portúgalska félagið.
04.03.2025 23:30
Hefur breyst frá síðustu veru á Íslandi - „Mjög gott tækifæri til að skrifa söguna"
„Ég var mjög bjartsýnn fyrir árinu 2025, og ég byrjaði á því að skora sigurmark í uppbótartíma., en svo ákvað félagið að fara í aðra átt. Það vildi einbeita sér frekar að yngri leikmönnum og ég átti ekki að fá að spila mikið," segir Thomsen sem var ekki í hóp í næstu tveimur leikjum en lék svo tvo leiki í kringum mánaðamótin janúar/febrúar. Hann átti svo fund með félaginu og var ekkert meira í hópum hjá portúgalska liðinu.
„Við áttum fund um stöðu mína. Félagið var nokkuð hreinskiið, svo við vorum sammála um að ef það kæmi upp tækifæri, þá væri í lagi ef ég myndi finna eitthvað annað."
„Því miður kom þessi tilkynning frá félaginu til mín nokkrum dögum eftir að glugganum var lokað í nokkrum evrópskum deildu, ég gat t.d. ekki komið heim til Danmerkur."
„Þetta voru skýr skilaboð frá bæði íþróttastjóranum og þjálfaranum að ég myndi ekki fá fleiri mínútur."
„Það kveikti eld í mér, því núna þurfti ég að sýna þeim (að þetta væri röng ákvörðun) og þetta endaði þannig að þjálfarinn vildi skyndilega velja mig í hópinn, en ég var þá kominn langt í viðræðum mínum vð Breiðablik," sagði Thomsen.
Athugasemdir
