Fyrirsögnin segir það sem segja þarf. Football365 setti saman þennan lista. West Ham og Aston Villa eru einu félögin sem eiga tvo fulltrúa á honum.
10) Ollie Watkins (Aston Villa) - Keyptur frá Brentford og hefur staðið sig feikilega vel í ensku úrvalsdeildinni. Nær vel saman við Jack Grealish.
9) Jesse Lingard (West Ham) - Lánsmaður frá Manchester United sem hefur reynst rosaleg innspýting.
8) Wesley Fofana (Leicester) - Franski U21-landsliðsmaðurinn kom frá Saint-Etienne og hefur verið magnaður í vörn Leicester.
7) Callum Wilson (Newcastle) - Hefur skorað tíu mikilvæg mörk fyrir Newcastle síðan hann kom frá Bournemouth. Hvar væru þeir án hans?
6) Tomas Soucek (West Ham) - Tékkneski miðjumaðurinn kom upphaflega á láni en var keyptur síðasta sumar. Algjör lykilhlekkur í liði West Ham.
5) Raphinha (Leeds) - Klókt hjá Bielsea að krækja í þennan 24 ára Brasilíumann frá Rennes. Hefur farið með himinskautum og stærri félög horfa öfundaraugum.
4) Ben Godfrey (Everton) - Everton fékk öfluga leikmenn fyrir tímabilið en bestu kaupin voru í varnarmanni frá fallliði Norwich!
3) Diogo Jota (Liverpool) - Hefur leikið á als oddi síðan hann kom til Liverpool og reynst liðinu mikilvægur.
2) Emiliano Martínez (Aston Villa) - Hefur verið algjörlega geggjaður í marki Villa síðan hann kom frá Arsenal.
1) Ruben Dias (Manchester City) - Portúgalski varnarmaðurinn var keyptur frá Benfica og smellpassar í lið City. Hefur verið einn besti leikmaður tímabilsins í ensku úrvalsdeildinni.
Athugasemdir
