Róbert Orri Þorkelsson er leikjahæsti leikmaður liðsins með þrettán leiki, næstir á eftir honum koma Andri Fannar Baldursson og Kristall Máni Ingason.

„Það er dálítið okkar hlutverk að breyta mönnum í leiðtoga, hafa kannski verið hluti af hópnum á meðan aðrir hafa tekið leiðtogahlutverkið. Nú þurfum við að virkja aðra í því hlutverki í nýju liði. Það mun nýtast þeim seinna meir." Róbert Orri hefur verið fyrirliði liðsins í fyrstu tveimur verkefnum liðsins.

Munurinn á þessari ferð og síðustu tveimur verkefnum er að þessi er aðeins lengri, lengri tími saman. „Við ætlum að nýta þetta utan vallar í að virkja leiðtogana, búa til liðsheild og koma nánast klárir út um þessum glugga fyrir septembergluggann (þegar undankeppni EM hefst). Að sama skapi viljum við prófa ákveðna hluti, keyra inn taktíska hluti bæði sóknar- og varnarlega. Við erum að spila við frábæra andstæðinga og þetta er gott tækifæri fyrir leikmenn að sýna sig. Þetta mun svara mörgum spurningum."

„Ég er mjög þakklátur KSÍ fyrir að hafa gefið okkur þessa leiki. Það er erfitt að fá leiki, en KSÍ er búið að bregðast við og við fáum mjög góða leiki. Þetta er hreinn undirbúningur fyrir komandi undankeppni."

Davíð Snorri vildið lítið tala um menn sem hefðu mögulega getað verið í hópnum en nefndi þó Óla Val Ómarsson, leikmann Sirius, sem glímir við meiðsli.

Andri Lucas Guðjohnsen er í U21 hópnum í fyrsta sinn á sínum ferli. Hann á að baki 15 A-landsleiki og 33 leiki fyrir yngri landsleiki.

„Það var bara tekin ákvörðun um hvar Andri væri, hann var ekki í A-hópnum og þá er hann í U21 hópnum. Eins og með aðra leikmenn; menn eru að fara á milli liða. Það er bara hlutverk okkar að vera með stabílt og jákvætt umhverfi þannig að þegar menn koma inn þá getum við fengið það besta út úr þeim. Mín reynsla er að allir leikmenn eru stoltir af því að spila fyrir Ísland."

Viðtalið við Davíð Snorra má sjá i heild sinni í spilaranum efst.