Jamaíka 1 - 0 Dóminíska lýðveldið
1-0 Shamar Nicholson ('16 )
1-0 Bobby De Cordova-Reid ('73, misnotað víti)
Jamaíka hóf leeik í undankeppni HM 2026 í kvöld þegar liðið lagði Dóminíska lýðveldið á heimavelli.
Leikmenn á borð við Michail Antonio og Bobby De Cordova-Reid voru í byrjunarliði Heimis Hallgrímssonar landsliðsþjálfara Jamaíku.
Það var hins vegar Shamar Nicholson leikmaður franska liðsins Clermont sem tryggði Jamaíku sigur með marki eftir vel útfærða skyndisókn.
De Cordova-Reid hefði getað tvöfaldað forystuna þegar Jamaíka fékk vítaspyrnu en hann lét verja frá sér.
Jamaíka heimsækir Dóminíku í næsta leik á sunnudaginn. Liðið hefur síðan leik á Copa America þann 23. júní.
Athugasemdir
