Enski landsliðsmaðurinn Mason Mount er í viðræðum við Chelsea um nýjan samning en þetta kemur fram í Guardian.
Chelsea framlengdi samning Reece James til sex ára í gær og nú er röðin komin að Mount.
Mount er 23 ára gamall og uppalinn hjá félaginu en hann var í mikilvægu hlutverki er liðið vann Meistaradeild Evrópu á síðasta ári.
Þetta tímabil hefur ekki byrjað vel hjá Mount sem hefur fengið mikla gagnrýni fyrir frammistöðu sína.
Burt séð frá því þá er Chelsea í viðræðum við Mount um nýjan samning og mun félagið senda honum formlegt tilboð á næstu dögum.
Mount byrjaði fyrstu fimm deildarleiki Chelsea á tímabilinu en kom af bekknum í 2-1 sigrinum á West Ham um helgina.
Athugasemdir
