Það vakti athygli að Kristall Máni Ingason, leikmaður Sønderjyske, sem var valinn í leikmannahóp danska liðsins Sønderjyske gegn FC Nordsjælland er hvorki sjáanlegur núna í byrjunarliðinu eða á bekknum.
Leikurinn er að byrja núna klukkan 12:00 en greint hefur verið á samfélagsmiðlum Sønderjyske að Kristall sé að glíma við meiðsli og er þar að leiðandi ekki í hópnum sem hann var upprunalega valinn í.
Það er eina útskýringin sem er gefin á þessum breytingum. Kristall hefur verið fastamaður í byrjunarliði Sønderjyske á þessu tímabili en hann hefur byrjað níu af tíu leikjum Sønderjyske og skorað eitt og lagt upp eitt.
Framundan eru tveir mjög mikilvægir leikir í U21 landsliði Íslands. Þetta eru leikir gegn Litháen og Danmörku en fyrri leikurinn er heimaleikur gegn Litháen á fimmtudaginn áður en við mætum Danmörku úti á þriðjudaginn.
Kristall er í banni í fyrri leiknum gegn Litháen en vonandi fyrir U21 landsliðið verður hann tilbúinn fyrir seinni leikinn gegn Danmörku.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Danmörk | 8 | 5 | 2 | 1 | 18 - 8 | +10 | 17 |
| 2. Tékkland | 8 | 4 | 2 | 2 | 13 - 11 | +2 | 14 |
| 3. Wales | 8 | 4 | 2 | 2 | 13 - 11 | +2 | 14 |
| 4. Ísland | 8 | 3 | 0 | 5 | 9 - 14 | -5 | 9 |
| 5. Litháen | 8 | 1 | 0 | 7 | 7 - 16 | -9 | 3 |
