Það er afar áhugaverð helgi framundan í ítalska boltanum þar sem fjörið hefst með frábærum leikjum strax í dag.
Ítalíumeistarar Inter taka á móti nýliðum Parma sem hafa farið þokkalega vel af stað. Liðin eigast við í fyrsta leik helgarinnar þar sem Ítalíumeistararnir freista þess að minnka bilið á milli sín og toppliðanna.
Napoli og Atalanta verma toppsætin tvö og á Atalanta stórleik við AC Milan í kvöld. Lærisveinar Gian Piero Gasperini eru á blússandi siglingu og hafa þeir unnið 8 leiki í röð í öllum keppnum, auk þess að vera búnir að vinna síðustu 8 leiki sína í röð í Serie A.
Atalanta sigraði gegn Roma í síðustu umferð eftir að hafa skellt toppliði Napoli fyrir einum mánuði síðan og virðist liðið vera óstöðvandi. Lærisveinar Gasperini eru búnir að skora 36 mörk í 14 leikjum á deildartímabilinu.
Eftir þennan frábæra föstudag eiga Juventus og Roma heimaleiki á morgun. Juve mætir Bologna í afar spennandi slag áður en Roma tekur á móti Lecce í óvæntum fallbaráttuslag, en Rómverjar eru búnir að tapa fjórum deildarleikjum í röð.
Á sunnudaginn gæti Albert Guðmundsson komið við sögu með Fiorentina eftir að hafa jafnað sig af meiðslum, en Fiorentina hefur farið mjög vel af stað í ár og er í toppbaráttunni ásamt stærstu félögum ítalska boltans. Svo gætu Mikael Egill Ellertsson og Bjarki Steinn Bjarkason tekið þátt í afar mikilvægum nýliðaslag þar sem Venezia tekur á móti Como í Feneyjum.
Stórleikur helgarinnar fer fram á sunnudaginn þegar Napoli og Lazio eigast við í toppslag. Þetta er afar áhugaverður slagur eftir að liðin mættust í 16-liða úrslitum ítalska bikarsins í gærkvöldi. Þar hafði ?? betur eftir ?? .....
Monza og Udinese eigast að lokum við á mánudagskvöldið til að ljúka fimmtándu umferð Serie A tímabilsins sem er næstum hálfnað.
Föstudagur
17:30 Inter - Parma
19:45 Atalanta - Milan
Laugardagur
14:00 Genoa - Torino
17:00 Juventus - Bologna
19:45 Roma - Lecce
Sunnudagur
11:30 Fiorentina - Cagliari
14:00 Verona - Empoli
17:00 Venezia - Como
19:45 Napoli - Lazio
Manudagur
19:45 Monza - Udinese
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 37 | 27 | 5 | 5 | 86 | 32 | +54 | 86 |
| 2 | Napoli | 37 | 22 | 7 | 8 | 57 | 36 | +21 | 73 |
| 3 | Roma | 37 | 22 | 4 | 11 | 57 | 31 | +26 | 70 |
| 4 | Milan | 37 | 20 | 10 | 7 | 52 | 33 | +19 | 70 |
| 5 | Como | 37 | 19 | 11 | 7 | 61 | 28 | +33 | 68 |
| 6 | Juventus | 37 | 19 | 11 | 7 | 59 | 32 | +27 | 68 |
| 7 | Atalanta | 37 | 15 | 13 | 9 | 50 | 35 | +15 | 58 |
| 8 | Bologna | 37 | 16 | 7 | 14 | 46 | 43 | +3 | 55 |
| 9 | Lazio | 37 | 13 | 12 | 12 | 39 | 39 | 0 | 51 |
| 10 | Udinese | 37 | 14 | 8 | 15 | 45 | 47 | -2 | 50 |
| 11 | Sassuolo | 37 | 14 | 7 | 16 | 46 | 49 | -3 | 49 |
| 12 | Torino | 37 | 12 | 8 | 17 | 42 | 61 | -19 | 44 |
| 13 | Parma | 37 | 10 | 12 | 15 | 27 | 46 | -19 | 42 |
| 14 | Genoa | 37 | 10 | 11 | 16 | 41 | 50 | -9 | 41 |
| 15 | Fiorentina | 37 | 9 | 14 | 14 | 40 | 49 | -9 | 41 |
| 16 | Cagliari | 37 | 10 | 10 | 17 | 38 | 52 | -14 | 40 |
| 17 | Lecce | 37 | 9 | 8 | 20 | 27 | 50 | -23 | 35 |
| 18 | Cremonese | 37 | 8 | 10 | 19 | 31 | 53 | -22 | 34 |
| 19 | Verona | 37 | 3 | 12 | 22 | 25 | 59 | -34 | 21 |
| 20 | Pisa | 37 | 2 | 12 | 23 | 25 | 69 | -44 | 18 |
