Fernandinho, leikmaður Manchester City, er með boð um að gerast aðstoðarþjálfari Pep Guardiola hjá félaginu.
Þetta segir Rodrigo Caetano en hann starfar sem yfirmaður knattspyrnumála hjá Atletico Mineiro í Brasilíu.
Atletico hefur skoðað þann möguleika á að fá Fernandinho í sumar en hann verður þá samningslaus á Etihad.
Fernandinho er 35 ára gamall og hefur spilað afar vel með City síðan hann kom frá Úkraínu árið 2013.
„Það eru margar sögusagnir í gangi því samningur hans er að renna út. Hann er mikilvægur hluti af liði Manchester City - ekki bara á vellinum heldur utan," sagði Caetano.
„Ég veit ekki hvort þið vitið það en hann er jafnvel með boð um að gerast aðstoðarmaður Pep."
„Við höfum mikinn áhuga á honum því hann er góður innan sem utan vallar. Það eru hins vegar engar viðræður í gangi við hann eða hans umboðsmann."
Athugasemdir