Manchester United gerði 1-1 jafntefli á útivelli gegn Real Sociedad í 16-liða úrslitum Evrópudeildarinnar í gær.
Rauðu djöflarnir tóku forystuna í síðari hálfleik en misstu hana fljótt niður og voru á endanum heppnir að sleppa með jafntefli eftir að Orri Steinn Óskarsson klúðraði dauðafæri.
Man Utd er því áfram eina liðið í Evrópudeildinni sem á enn eftir að tapa leik í keppninni. Til samanburðar er ekkert lið ósigrað hingað til í Meistaradeildinni, en Chelsea og Vitoria Guimaraes eru enn ósigruð í Sambandsdeildinni.
Rauðu djöflarnir voru kannski heppnir að tapa ekki á Spáni en þeir hefðu líka getað unnið leikinn. Portúgalski bakvörðurinn Diogo Dalot var kominn í kjörstöðu til að gefa úrslitasendingu á Rasmus Höjlund en hikaði og rann sóknin að lokum út í sandinn.
Höjlund brást illa við þessum mistökum hjá Dalot, sem fékk svo aðeins 5 í einkunnagjöf Sky Sports.
Dalot doesn't pass to Hojlund in a 1v1 chance vs Real Sociedad
byu/oklolzzzzs insoccer
Athugasemdir
