Mainz situr óvænt í fjórða sætinu sem stendur, fjórum stigum og sætum fyrir ofan Gladbach. Það er því hörð barátta um Evrópusæti í ár.

Ríkjandi meistarar Bayer Leverkusen taka á móti Werder Bremen á sama tíma og topplið FC Bayern fær fallbaráttulið Bochum í heimsókn á laugardaginn. FC Bayern er með átta stiga forystu á Leverkusen í titilbaráttunni þegar tíu umferðir eru eftir.

Borussia Dortmund er búið að sigra tvo leiki í röð og þarf helst þriðja sigurinn til að blanda sér aftur í baráttuna um Meistaradeildarsæti eftir slakt gengi undanfarna mánuði. Dortmund tekur á móti Augsburg á meðan Evrópubaráttulið Wolfsburg og Stuttgart spila við nýliða St. Pauli og Holstein Kiel sem eru í fallbaráttunni.

Stórleikur helgarinnar fer fram á morgun en hefst seinna, þegar Freiburg spilar við RB Leipzig. Það eru aðeins tvö stig sem skilja liðin að í fimmta og sjötta sæti deildarinnar.

Eintracht Frankfurt er búið að tapa tveimur í röð og þarf sigur til að koma sér betur fyrir í baráttunni um Meistaradeildarsæti. Frankfurt tekur á móti Union Berlin á sunnudaginn, áður en Hoffenheim mætir botnliði Heidenheim.

Föstudagur
19:30 Gladbach - Mainz

Laugardagur
14:30 Leverkusen - Werder
14:30 Bayern - Bochum
14:30 Dortmund - Augsburg
14:30 Wolfsburg - St. Pauli
14:30 Holstein Kiel - Stuttgart
17:30 Freiburg - RB Leipzig

Sunnudagur
14:30 Eintracht Frankfurt - Union Berlin
16:30 Hoffenheim - Heidenheim