Heimild: RÚV
Dagný Brynjarsdóttir.
Glódís Perla Viggósdóttir og Dagný Brynjarsdóttir eru báðar í byrjunarliði Íslands sem mætir Hvíta-Rússlandi í undankeppni HM klukkan 16.
Smelltu hér til að fara í beina textalýsingu
Smelltu hér til að fara í beina textalýsingu
Glódís og Dagný leika báðar sinn 100. leik fyrir A-landslið Íslands en RÚV tók þetta saman.
Glódís er aðeins 26 ára gömul en hefur leikið fyrir landsliðið síðan 2012. Dagný er 30 ára og spilaði fyrsta landsleikinn gegn Bandaríkjunum á Algarve-mótinu 2010.
Í leikjunum 99 hefur Dagný skorað 33 mörk, eða akkúrat mark í þriðja hverjum leik. Eftir leikinn í dag verða alls þrettán konur sem hafa spilað 100 landsleiki eða fleiri fyrir Ísland. Leikjahæst er Sara Björk Gunnarsdóttir með 136 leiki.
Glódís Perla Viggósdóttir.
Athugasemdir
