Keflavík er komið upp í Pepsi-deildina. Hér fagna þeir úrslitunum!
Keflavík tryggði sér í kvöld þátttökurétt í Pepsi-deild karla á næsta tímabili með því að vinna Gróttu 3-0 á heimavelli en heimamenn fögnuðu gríðarlega eftir leikinn.
Jeppe Hansen, Leonard Sigurðsson og Hólmar Örn Rúnarsson sáu til þess að Keflavík færi örugglega upp í kvöld en nú er liðið sjö stigum á undan Þrótturum sem eru í þriðja sætinu þegar tveir leikir eru eftir.
Eftir leikinn fögnuðu Keflvíkingar gríðarlega enda mikill léttir að vera búnir að tryggja sætið í deild þeirra bestu.
Hægt er að sjá fögnuðinn hér í myndskeiðinu fyrir ofan en Hafliði Breiðfjörð var á staðnum að fylgjast með öllu því helsta sem gerðist í Keflavík.
Keflavík er þó ekki búið að vinna deildina en Fylkir vann Þrótt 3-1 á sama tíma. Tveir leikir eru eftir og aðeins eitt stig á milli Keflavíkur og Fylkis.
Athugasemdir
