Memphis Depay skoraði tvennu þegar Holland lagði Litháen að velli í undankeppni HM í dag.
Hann varð þar með markahæsti leikmaður í sögu hollenska landsliðsins, með 52 mörk.
Fyrir leikinn var Memphis jafn Robin van Persie sem markahæsti leikmaður sögunnar, en Klaas-Jan Huntelaar er þriðji markahæstur með 42 mörk.
Goðsagnirnar Patrick Kluivert, Dennis Bergkamp, Arjen Robben og Ruud van Nistelrooy fylgja í næstu sætum þar fyrir neðan.
Memphis er 31 árs gamall og var að spila sinn 103. landsleik fyrir Holland.
Hann leikur með Corinthians í brasilísku deildinni þessa dagana eftir að hafa komið við hjá Atlético Madrid, Barcelona, Lyon, Manchester United og PSV Eindhoven á áhugaverðum ferli.
Athugasemdir
