Stjarnan 4 - 1 Þór/KA
1-0 Gyða Kristín Gunnarsdóttir ('20)
1-1 Karen María Sigurgeirsdóttir ('35)
2-1 Úlfa Dís Kreye Úlfarsdóttir ('60)
3-1 Gyða Kristín Gunnarsdóttir ('81)
4-1 Fanney Lísa Jóhannesdóttir ('85)
1-0 Gyða Kristín Gunnarsdóttir ('20)
1-1 Karen María Sigurgeirsdóttir ('35)
2-1 Úlfa Dís Kreye Úlfarsdóttir ('60)
3-1 Gyða Kristín Gunnarsdóttir ('81)
4-1 Fanney Lísa Jóhannesdóttir ('85)
Lestu um leikinn: Stjarnan 4 - 1 Þór/KA
Stjarnan tók á móti Þór/KA í eina leik dagsins í Bestu deild kvenna og tóku heimakonur í Garðabæ forystuna á 20. mínútu, þegar Gyða Kristín Gunnarsdóttir fylgdi skoti Snædísar Maríu Jörundsdóttur eftir með marki.
Fyrri hálfleikurinn var tíðindalítill en Kareni Maríu Sigurgeirsdóttur tókst að skora glæsilegt jöfnunarmark fyrir Akureyringa. Hún gerði frábærlega að jafna með þrumuskoti í fjærhornið, svo staðan var 1-1 í hálfleik.
Stjarnan var talsvert sterkari aðilinn í síðari hálfleik og tók forystuna á ný með marki frá Úlfu Dís Kreye Úlfarsdóttur. Hún skoraði atgang í vítateig Þórs/KA í kjölfar fyrirgjafar frá Gyðu Kristínu sem átti flottan leik.
Stjarnan var áfram sterkari aðilinn þó Þór/KA hafi átt sínar rispur, en Gyða Kristín og Fanney Lísa Jóhannesdóttir gerðu út um viðureignina með mörkum á lokakaflanum, svo lokatölur urðu 4-1.
Þessi sigur er afar dýrmætur fyrir Stjörnuna sem er í harðri baráttu við Þór/KA um sæti í efri hluta deildarinnar fyrir tvískiptingu. Stjarnan klifrar yfir Akureyringa með þessum sigri og er með 22 stig eftir 16 umferðir - einu stigi meira heldur en Þór/KA.
Athugasemdir
