Keflavík tók á móti nágrönnum sínum úr Njarðvík í dag þegar Ljósanæturleikurinn fór fram í næst síðustu umferð Lengjudeild karla.
Lestu um leikinn: Keflavík 2 - 1 Njarðvík
„Gríðarlega ánægður og stoltur af strákunum" sagði Haraldur Freyr Guðmundsson þjálfari Keflavíkur eftir sigurinn í dag.
„Þeir lögðu mikið í þetta, hörku vinnuframlag og uppskera þrjú stig. Þetta var verðskuldað á endanum þó að Njarðvík hafi stýrt svona leiknum sérstaklega í fyrri hálfleik og voru voru töluvert betri en við í fyrri hálfleik"
Þetta var gríðarlega sterkur sigur fyrir Keflavík í dag en þeir halda lífi í baráttunni um sæti í umspilinu.
„Það er bara mjög sterkt en við þurfum bara að hugsa um okkur sjálfa og við eigum Selfoss í lokaleiknum. Við þurfum bara að reyna að vinna hann og sjá svo hvernig úrslit verða annarstaðar"
Mörk breyta leikjum og það var gríðarlega mikilvægt að ná fyrsta markinu hér í dag.
„Já þetta var svolítið þannig leikur og oft er það auðvitað þannig að mörk breyta leikjum. Þetta hefði getað farið allt öðruvísi ef að Njarðvík hefði skorað á undan. Það er bara þannig í fótbolta að mörk breyta leikjum"
Nánar er rætt við Harald Freyr Guðmundsson í spilaranum hér fyrir ofan.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Þór | 21 | 13 | 3 | 5 | 49 - 30 | +19 | 42 |
| 2. Þróttur R. | 21 | 12 | 5 | 4 | 42 - 35 | +7 | 41 |
| 3. Njarðvík | 21 | 11 | 7 | 3 | 47 - 25 | +22 | 40 |
| 4. HK | 21 | 11 | 4 | 6 | 42 - 29 | +13 | 37 |
| 5. ÍR | 21 | 10 | 7 | 4 | 37 - 25 | +12 | 37 |
| 6. Keflavík | 21 | 10 | 4 | 7 | 49 - 38 | +11 | 34 |
| 7. Völsungur | 21 | 7 | 4 | 10 | 36 - 48 | -12 | 25 |
| 8. Grindavík | 21 | 6 | 3 | 12 | 38 - 58 | -20 | 21 |
| 9. Fylkir | 21 | 5 | 5 | 11 | 32 - 31 | +1 | 20 |
| 10. Leiknir R. | 21 | 5 | 5 | 11 | 22 - 39 | -17 | 20 |
| 11. Selfoss | 21 | 6 | 1 | 14 | 24 - 40 | -16 | 19 |
| 12. Fjölnir | 21 | 3 | 6 | 12 | 31 - 51 | -20 | 15 |
