Zhegrova gerir fimm ára samning við Juventus. Hann kom að 44 mörkum í 107 leikjum með Lille.
Ítalska stórveldið Juventus nældi sér í kantmanninn Edon Zhegrova á gluggadegi. Hann var mikilvægur hlekkur í spennandi liði Lille þar sem hann lék með Hákoni Arnari Haraldssyni á síðustu leiktíð.
Zhegrova er 26 ára gamall landsliðsmaður Kósovó og kostar um 25 milljónir evra. Hann fær treyju númer 11 hjá Juventus.
Zhegrova er fenginn til að fylla í skarðið fyrir Nicolás González sem var sendur til Atlético Madrid á lánssamningi.
Hann mun berjast við Francisco Conceicao um byrjunarliðssæti úti á hægri kanti.
Juve styrkti hópinn sinn í sumar þar sem Loïs Openda kom á lánssamningi frá RB Leipzig og Jonathan David var fenginn frítt frá Lille. Juve fékk því tvo leikmenn til sín úr röðum Lille.
Athugasemdir
