Ingibjörg Sigurðardóttir spilaði allan leikinn með Vålerenga
Vålerenga, Bordeaux og Rosengård eru úr leik í Meistaradeild Evrópu eftir leiki kvöldsins. Diljá Zomers fer í riðlakeppnina með sænska liðinu Häcken.
Guðrún Arnardóttir spilaði allan leikinn í hjarta varnarinnar hjá Rosengård sem gerði 3-3 jafntefli við þýska liðið Hoffenheim í kvöld.
Hoffenheim vann fyrri leikinn 3-0 og fer því í riðlakeppnina en Ingibjörg Sigurðardóttir og Amanda Andradóttir eru einnig úr leik eftir að hafa tapað 3-2 fyrir BK Häcken. Samanlagt 6-3.
Diljá Zomers var allan tímann á bekknum en Amanda fór af velli í hálfleik.
Svava Rós Guðmundsdóttir kom inná á 73. mínútu er Bordeaux veitti Wolfsburg alvöru leik. Fyrri leikurinn fór 3-2 fyrir Wolfsburg en þegar flautað var til loka í kvöld var staðan 3-2 fyrir Bordeaux.
Því var farið með leikinn í framlengingu og svo síðar vítaspyrnukeppni þar sem Wolfsburg vann 3-0. Hetjuleg barátta hjá franska liðinu gegn þýska stórveldinu.
Lyon vann þá Levante 2-1 og samanlagt 4-2. Sara Björk Gunnarsdóttir er barnshafandi og var því ekki með í kvöld.
Athugasemdir
