Á sunnudaginn síðastliðinn áttust við Manchester United og Arsenal í ensku úrvalsdeildinni en leiknum lauk með 3-1 sigri heimamanna á Old Trafford.
Marcus Rashford skoraði tvö mörk og Antony eitt fyrir Man Utd en það var Bukayo Saka sem gerði mark gestanna og jafnaði leikinn í 1-1 í síðari hálfleiknum.
Það sem er áhugavert við þetta mark hjá Saka er það að hann skoraði það með vinstri fæti og hafa því síðustu tíu mörk Arsenal á þessari leiktíð öll komið með vinstri fæti.
Mjög svo áhugaverð staðreynd en Arsenal hefur skorað fjórtán mörk í ensku úrvalsdeildinni til þessa og eins og áður segir, síðustu tíu komið með vinstri fótar skoti.
Þetta er met í ensku úrvalsdeildinni en Granit Xhaka skoraði með vinstri fæti í 4-2 sigri Arsenal á Leicester um daginn og með því marki fór þessi áhugaverða hrina af stað.
Arsenal's past 10 goals scored this season have all been with the left foot, setting a Premier League record 😯👣 pic.twitter.com/Ew1i7648Ps
— ESPN UK (@ESPNUK) September 6, 2022