Omar Sowe skoraði 2 marka Leiknis í 2-3 sigri Breiðhyltinga á Þrótturum á Avis-vellinum í Laugardalnum. Í viðtali við .net eftir leik fór hann yfir víðan völl þar sem hann kom meðal annars inn á framtíð sína og hvort hann myndi spila áfram á Íslandi á næsta tímabili.
Lestu um leikinn: Þróttur R. 2 - 3 Leiknir R.
Fyrstu viðbrögð að leik loknum?
„Þetta voru jákvæð úrslit og strákarnir brugðust vel við. Þjálfarinn vill að við náum í síðustu 6 stigin sem við eigum möguleika á á tímabilinu. Núna náðum við þremur og í næstu viku tökum við aftur þrjú.“
Þróttur voru hættulegri og sterkari aðilinn fyrstu 20 mínúturnar en Leiknir komst á lagið eftir að hafa komist yfir og skoraði 3 á 6 mínútum.
„Ég vildi að þau hefðu verið 4, við hefðum getað verið með 4, 5 mörk en ég tek þessum þremur. Við vorum með augnablikið með okkur eftir fyrsta markið og sáum þá byrja að setja hökuna í grasið og ákváðum að halda áfram að þrýsta á þá.“
Lítið gerðist í leiknum eftir að þið skorið þessi þrjú mörk þar til þeir skora fyrra markið sitt á 80. mínútu. Hvað gerðist hjá ykkur eftir það?
„Við slökktum allir á okkur, of oft, varnarlega. Það byrjar augljóslega hjá mér uppi á topp og eins og ég sagði þá fengu þeir fín færi sem þeir hentu öllu í undir restina. Við hefðum getað brugðist öðruvísi við og aðlagað okkur betur að þeirra leikstíl. Þeir spiluðu með 5 í vörn en við náðum ekkert að opna þá undir lokin.“
Hvað er framundan hjá þér? Leiknir eða Besta á næsta ári?
„Ég er ekki viss, það er allt opið hjá mér fyrir næsta ár. Ég vil að sjálfsögðu spila á eins háu getustigi og ég mögulega get. Ég er mjög spenntur fyrir undirbúningstímabilinu og að skoða mína kosti áður en ég finn rétta liðið.
Ég vil ekki vera að flakka á milli liða heldur vil ég frekar festa rætur einhvers staðar og sanna mig sem atvinnumann. Ég er ekki viss hvar ég enda. Ég átti möguleika á að fara til Fylkis og það er í raun ennþá allt opið, þetta (innsk blm: sumarglugginn) var í raun ekki rétta tímasetningin.“
Bara á milli okkar, ætlaru að spila á Íslandi eða erlendis á næsta ári?
„Mér finnst Besta deildin mjög góð deild, með topp topp leikmönnum. Margir fara þaðan í bestu liðin í Skandinavíu og það er mitt markmið, hvort sem það er eftir ár í Bestu eða annars staðar. Ég er ekki á móti því að halda áfram á Íslandi. Mér finnst þetta fallegt land með marga kosti þannig við sjáum til hvar ég enda.“
Viðtalið í heild sinni, má sjá í spilaranum hér að ofan.
