Fimm af 22 liðum í Pepsi Max-deildunum sem mega æfa
Úr leik Magna og Þórs í Lengjudeild karla.
Mynd: Fótbolti.net - Sævar Geir Sigurjónsson
Úr leik Magna og Þórs í Lengjudeild karla.
Mynd: Fótbolti.net - Sævar Geir Sigurjónsson
Íþróttafélög á höfuðborgarsvæðinu hafa verið beðin um að gera hlé á æfingum og keppni í öllum íþróttum frá deginum í dag til 19. október.
Sjö af tíu liðum í Pepsi Max-deild kvenna eru á höfuðborgarsvæðinu og tíu af tólf í Pepsi Max-deild karla.
Í kvennadeildinni mega Selfoss, ÍBV og Þór/KA halda æfingum áfram en önnur lið eru beðin um að gera hlé á æfingum. Í karladeildinni eru það KA og ÍA sem mega æfa.
Sjö af tíu liðum í Pepsi Max-deild kvenna eru á höfuðborgarsvæðinu og tíu af tólf í Pepsi Max-deild karla.
Í kvennadeildinni mega Selfoss, ÍBV og Þór/KA halda æfingum áfram en önnur lið eru beðin um að gera hlé á æfingum. Í karladeildinni eru það KA og ÍA sem mega æfa.
Í Lengjudeild karla, þar sem mikil spenna er á toppi og botni, eru fjögur lið á höfuðborgarsvæðinu sem gera hlé á æfingum. Það eru Leiknir og Fram sem eru í baráttu um að komast upp, Þróttur sem er í fallbaráttu og Afturelding sem siglir lygnan sjó. Átta af liðunum í deildinni eru utan höfuðborgarsvæðisins.
Ljóst er að ekki er mælst til þess að leikmenn sem eru á höfuðborgarsvæðinu en spila hjá liðum utan þess séu að mæta á æfingar.
„Ekki vera á ferðinni til eða frá höfuðborgarsvæðinu nema nauðsyn sé til," segir í tilmælunum.
„Framkvæmdastjórn ÍSÍ beinir því einnig til íþróttahreyfingarinnar í heild að taka tillit til þeirra aðstæðna sem skapast hafa á höfuðborgarsvæðinu og þeirra aðgerða sem sérsambönd ÍSÍ hafa þurft að grípa til í kjölfarið."
Óvissa er um hvenær eða hvort Íslandsmótið getur hafist að nýju en núgildandi tilmæli gilda til 19. október eins og áður sagði.
Ljóst er að ekki er mælst til þess að leikmenn sem eru á höfuðborgarsvæðinu en spila hjá liðum utan þess séu að mæta á æfingar.
„Ekki vera á ferðinni til eða frá höfuðborgarsvæðinu nema nauðsyn sé til," segir í tilmælunum.
„Framkvæmdastjórn ÍSÍ beinir því einnig til íþróttahreyfingarinnar í heild að taka tillit til þeirra aðstæðna sem skapast hafa á höfuðborgarsvæðinu og þeirra aðgerða sem sérsambönd ÍSÍ hafa þurft að grípa til í kjölfarið."
Óvissa er um hvenær eða hvort Íslandsmótið getur hafist að nýju en núgildandi tilmæli gilda til 19. október eins og áður sagði.
