„Kærkomið að snúa þessu við og sýna stuðningsmönnum okkar að við erum á réttu róli"
Mynd: Jónína Guðbjörg Guðbjartsdóttir
Mynd: Jónína Guðbjörg Guðbjartsdóttir
„Mér líður virkilega vel. Það fór um mann þarna þegar þeir skoruðu, þeir eru með mikið baráttulið og erfitt að mæta þeim. Þeir voru að sinna basic vinnunni í gegnum allan leikinn og það var erfitt að brjóta þá." sagði Ágúst Þór Gylfason þjálfari Leiknir R eftir 3-1 sigurinn á Völsung á Domusnovavellinum í Breiðholti í dag.
„Þeir sköpuðu sér nokkur góð færi og að fá markið í andlitið var erfitt en við snúum þessu við með þremur mörkum hérna á heimavelli sem er aðaleinkenni Leiknis liðsins, það kemur enginn hingað og tekur neitt frá okkur og það var kærkomið að snúa þessu við og sýna stuðningsmönnum okkar að við erum á réttu róli."
Ágúst Gylfason tók við Leikni á dögunum þegar Ólafur Hrannar lét af störfum. Hvað hefur breyst?
„Ég kem inn í þetta og fæ hluta af teyminu sem er búið að vinna með liðinu og Óli Hrannar er búin að gera vel með Leiknisliðið, bæði í fyrra þegar hann tók við á erfiðum tímum og snéri trendinu við og hélt áfram núna og því miður hefur það ekki gengið sem skyldi í byrjun móts og ég verð líka bara að þakka honum fyrir og þjálfateyminu fyrir að hjálpa mér að snúa þessu við ásamt leikmönnum."
