xPts
Ef horft er í vænt stig (expected points, xPts) í Lengjudeildinni ætti Fylkir að vera í fimmta sæti deildarinnar með 7,6 stigum meira en tölfræðin segir til um.

Það er næst mesti munurinn í deildinni því mesti munurinn er hjá botnliði Selfossi sem er með 8,2 stigum minna. Selfoss ætti miðað við tölfræðina að vera í 7. sæti. Mesti munurinn á eftir Selfossi og Fylki er svo hjá HK sem er með 6,6 stig um fram xPts og svo er ÍR sem er með 5,1 stigi meira en tölfræðin segir til um.

Þórsliðið ætti miðað við tölfræðina að vera efst í deildinni, en liðið situr í 6. sæti, með 4,4 stigum minna en það ætti að vera með.

xG
Ef horft er í vænt mörk (expected goals, xG) er aftur mesti munurinn hjá Selfossi. Selfoss hefur skorað tíu mörk en ætti að vera með 18 mörk skoruð miðað við færin. Fylkir er 2,45 undir xG sem er u.þ.b. það sama og hjá toppliði ÍR sem gæti verið búið að skora fleiri mörk. Það sem stingur þó mest í augun er færanýting Grindavíkur en miðað við tölfræðina ætti liðið einungis að hafa skorað 14 mörk en hefur skorað 25. Njarðvík, Keflavík og HK er með fjórum mörkum fleiri skoruð en xG segir til um.

xGA
Ef horft er í vænt mörk fengin á sig (expected goals against, xGA), þá er mesti munurinn hjá ÍR. Liðið hefur einungis fengið á sig sex mörk en ætti að vera með rúmlega 13 mörk fengin á sig miðað við færin sem andstæðingarnir hafa fengið. Markverðir HK hafa einnig staðið sig mjög vel, en liðið hefur fengið á sig fimm mörkum færra en xGA segir til um. Grindavík hefur fengið rúmlega fimm mörkum meira á sig heldur en xGA segir til um og Fylkir tæplega fimm mörkum meira. Þór og Selfoss hafa svo fengið á sig um fjórum mörkum meira. Þar á eftir koma Völsungur og Leiknir.

Possession
Þau lið sem halda boltanum mest eru Fylkir og Njarðvík. Þau tvö lið sem halda minnst í boltann eru svo ÍR og Grindavík. Fylkir er 61% með boltann í sínum leikjum, en sem dæmi er það 5,3% minna en KR sem heldur boltanum langmest í Bestu deildinni. Víkingur er í 2. sæti í Bestu deildinni með 56,4% possession.

Tólfta umferðin í Lengjudeildinni fer fram á föstudag og laugardag.