„Ég hef spilað á móti þeim flestum síðustu tvö tímabil og svo eru auðvitað fimm frá Nörrköpping. Ég þekki þessa stráka ágætlega og þeirra styrkleika. Þetta er flott lið og þetta verður flottur leikur."

Guðmundur er ánægður með tækifærið í landsliðinu og ætlar að nýta sénsinn.

„Algjörlega. Maður þarf að nýta þetta tækifæri. Þetta er virkilega jákvætt, flottur hópur og fín gæði á æfingum. Það eru bara allir klárir í slaginn sýnist mér. Þetta er virkilega gaman."

„Aðstæðurnar hérna eru geggjaðar. Frábærir vellir og hótelið flott. Svo er ég reyndar aðeins búinn að lesa mig til um landið, fyrir HM og svona. Þetta er áhugavert land. Vonandi fáum við tækifæri til þess að skoða það aðeins betur. Það er ekki yfir neinu að kvarta."

Gummi er samningsbundinn IFK Norköpping og á eitt ár eftir af samning þar.

„Ég á eitt ár eftir og staðan er þannig að þeir eru að pressa á mig að framlengja og þeir hafa sagt við mig að ég fái ekki að fara, sama hvað. Mér líður vel þarna. Hópurinn er flottur og þjálfarinn er góður. Það gekk vel á síðasta ári en ég er bara að njóta þess að vera hérna núna. Þetta eru skilaboðin frá Norrköpping svo að það verður að koma í ljós."

Gummi segir að félagið hafi neitað öllum þeim tilboðum sem hafa borist í hann.

„Þeir hafa neitað öllu strax sem hefur komið, svoleiðis er það bara. Ég er mjög sáttur þarna en það er bara spurning hvort að ég vil framlengja. Þetta kemur í ljós."

Viðtalið við Gumma Tóta má sjá í heild sinni hér að ofan.