Paris Saint-Germain er búið að staðfesta félagaskipti Georginio Wijnaldum. Hollenski miðjumaðurinn kemur til félagsins á frjálsri sölu eftir fimm ár hjá Liverpool.
Wijnaldum er fyrirliði hollenska landsliðsins í fjarveru Virgil van Dijk og verður í lykilhlutverki á EM í sumar.
Wijnaldum verður 31 árs í nóvember og skrifaði undir þriggja ára samning við franska stórveldið. Hann fær tæplega 10 milljónir evra í árslaun samkvæmt Fabrizio Romano.
Wijnaldum var næstum genginn til liðs við Barcelona og ætlaði spænska félagið að kynna leikmanninn í þessari viku. PSG bauð honum betri og lengri samning sem hann gat ekki hafnað.
Svipað virðist vera að gerast með samlanda hans Memphis Depay sem er samningslaus eftir að hafa verið lykilleikmaður Lyon undanfarin fjögur ár. Juventus er að stela Memphis frá Börsungum með betra samningstilboði.
Paris Saint-Germain is delighted to announce the transfer of Georginio Wijnaldum.
— Paris Saint-Germain (@PSG_English) June 10, 2021
Arriving from Liverpool, the Netherlands international midfielder has signed with the club from the French capital until 30 June 2024.#WelcomeGini https://t.co/OQDEO1lbJg
Athugasemdir