Íslenska karlalandsliðið heimsækir Holland í vináttulandsleik á Stadion Feyenoord í Rotterdam klukkan 18:45 í kvöld.
Ísland vann England, 1-0, á Wembley á föstudag og nú mætir það Hollendingum í seinni leik landsliðsverkefnisins.
Íslenska liðið hefur unnið Holland tvisvar sinnum í sögunni, en það merkilega við það er að þeir sigrar hafa komið í síðustu tveimur leikjum.
Síðasti sigurinn var í undankeppni EM 2016 en þá skoraði Gylfi Þór Sigurðsson eina markið á 51. mínútu á Amsterdam Arena.
Gylfi skoraði einmitt bæði mörkin í fyrri leiknum á Laugardalsvelli í 2-0 sigri. Arjen Robben, Robin van Persie og Wesley Sneijder voru þá í liði Hollendinga.
Fyrir þessa tvo leiki hafði Holland unnið níu leiki og gert eitt jafntefli gegn Íslandi.
Leikur dagsins:
Landslið karla - Vináttulandsleikir
18:45 Holland-Ísland (Stadion Feyenoord)
Athugasemdir
