Chelsea hefur tilkynnt að Tammy Abraham hafi virkjað ákvæði í samningi sínum og sé nú bundinn félaginu til 2023.
Abraham gerði fimm ára samning árið 2017 og hefur verið í viðræðum við félagið um nýjan samning.
Abraham gerði fimm ára samning árið 2017 og hefur verið í viðræðum við félagið um nýjan samning.
Abraham er markahæsti leikmaður Chelsea á tímabilinu en hann fær launahækkun með því að virkja ákvæðið.
Chelsea hefur undanfarna tólf mánuði samið við unga leikmenn sína; Mason Mount, Reece James, Billy Gilmour, Callum Hudson-Odoi, Fikayo Tomori og Ruben Loftus-Cheek.
Abraham byrjaði tímabilið gríðarlega vel en hefur ekki náð sér eins vel á strik eftir að hafa meiðst á ökkla gegn Arsenal í janúar. Hann fór í gegnum níu úrvalsdeildarleiki án þess að skora áður en hann skoraði gegn Crystal Palace í vikunni.
Abraham er ætlað stórt hlutverk í áætlunum Frank Lampard, þó félagið hafi keypt Timo Werner frá RB Leipzig.
Chelsea er enn í viðræðum við Willian sem verður samningslaus eftir tímabilið.
Athugasemdir