Það fara átta leikir fram í dag í undankeppni Evrópuþjóða fyrir HM, þar sem Strákarnir okkar í íslenska landsliðinu fá Úkraínu í heimsókn.
Hér er um að ræða gríðarlega mikilvægan slag fyrir lærisveina Arnars Gunnlaugssonar sem sýndu frábæra frammistöðu gegn Frökkum í síðustu umferð og voru óheppnir að jafna ekki leikinn á lokamínútunum.
Naumt tap gegn Frökkum eftir stórsigur gegn Aserum í fyrstu umferð þýðir að leikirnir gegn Úkraínu gætu ráðið úrslitum í baráttunni um annað sætið.
Úkraína er aðeins með eitt stig eftir tap á heimavelli gegn Frakklandi og jafntefli í Aserbaídsjan.
Það eru fleiri leikir á dagskrá þar sem mest spennandi slagurinn fer fram í Svíþjóð. Þar taka Alexander Isak, Viktor Gyökeres og félagar á móti Svisslendingum.
Kósovó tekur á móti Slóveníu í áhugaverðum slag á meðan Norður-Írland fær Slóvakíu í heimsókn en svo eru þrjár stórþjóðir í fótboltaheiminum sem eiga heimaleiki.
Belgía á erfiðan heimaleik við gott lið Norður-Makedóníu á meðan Þýskaland spilar við Lúxemborg og Frakkland fær Aserbaídsjan í heimsókn.
Leikir dagsins
14:00 Kasakstan - Liechtenstein
18:45 Norður Írland - Slóvakía
18:45 Kósóvó - Slóvenía
18:45 Svíþjóð - Sviss
18:45 Ísland - Úkraína
18:45 Belgía - Norður Makedónía
18:45 Þýskaland - Lúxemborg
18:45 Frakkland - Aserbaídsjan
Landslið karla - HM 2026
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Frakkland | 4 | 3 | 1 | 0 | 9 - 3 | +6 | 10 |
| 2. Ísland | 5 | 2 | 1 | 2 | 13 - 9 | +4 | 7 |
| 3. Úkraína | 4 | 2 | 1 | 1 | 8 - 7 | +1 | 7 |
| 4. Aserbaísjan | 5 | 0 | 1 | 4 | 2 - 13 | -11 | 1 |
Athugasemdir
