Éric Rabésandratana, fyrrum leikmaður Paris Saint-Germain, er afar af ítalska lánsmanninum Moise Kean en hann líkir leikmanninum við Edinson Cavani.
Kean er 20 ára gamall í dag en árið 2016 varð hann fyrsti leikmaðurinn sem er fæddur á þessari öld til að spila í einni af fjórum stærstu deildum Evrópu.
Það gerði hann með Juventus og átti hann fínar rispur með liðinu áður en hann var seldur til Everton á síðasta ári. Hann skoraði aðeins 2 mörk í 33 leikjum á síðustu leiktíð og var þá kominn með tvö mörk á þessu tímabili áður en hann var lánaður til Frakklands.
Hjá PSG fékk hann tækifærið til að sanna sig á nýjan leik og það gerði hann svo sannarlega. Hann er kominn með 5 mörk í fyrstu 7 leikjunum og virðist hann smellpassa inn franska stórliðið en Rabésandratana er hrifinn af Kean.
„Þegar PSG tapar boltanum þá fer hann strax í það að verjast og minnir mig í raun á Edinson Cavani hvað varðar hugarfar og framlag. Ég vona að hann skori jafn mörg mörk og Cavani gerði," sagði Rabésandratana.
„Við munum fylgjast náið með honum í næstu leikjum til að sjá hvort hann geti verið áreiðanlegur og það er það mikilvægasta á þessu stigi. Kean gefur Icardi mjög holla samkeppni en það versta við þetta er að PSG er ekki með möguleika á að kaupa hann eftir tímabilið," sagði hann í lokin.
Athugasemdir