U19 ára landslið kvenna vann 5-0 stórsigur á Kósóvó í síðasta leiknum í fyrri umferð í undankeppni Evrópumótsins í dag.
Berglind Freyja Hlynsdóttir skoraði tvö mörk fyrir Ísland og þá komust þær Ragnheiður Þórunn Jónsdóttir, Karlotta Björk Andradóttir og Freyja Stefánsdóttir einnig á blað.
Sigur Íslands þýðir að liðið mun spila áfram í A-deild í seinni umferð undankeppninnar.
Ísland hafnaði í 3. sæti riðilsins með 3 stig en Danir unnu riðilinn með 7 stig.
Dregið verður í seinni umferðina þann 10. desember næstkomandi.
Athugasemdir
