Jonas Dal Andersen
Færeysku meistararnir í HB opinberuðu um helgina að Daninn Jonas Dal Andersen hefur verið ráðinn nýr þjálfari liðsins.
Jens Berthel Askou lét af störfum til að taka við Horsens í heimalandinu. Undir stjórn Askou vann HB tvöfalt á síðasta ári en hann var eitt ár við stjórnvölinn.
Þar á undan var Heimir Guðjónsson þjálfari HB í tvö ár, vann meistaratitilinn fyrra árið og bikarinn það seinna.
Jens Berthel Askou lét af störfum til að taka við Horsens í heimalandinu. Undir stjórn Askou vann HB tvöfalt á síðasta ári en hann var eitt ár við stjórnvölinn.
Þar á undan var Heimir Guðjónsson þjálfari HB í tvö ár, vann meistaratitilinn fyrra árið og bikarinn það seinna.
Jonas Dal er 44 ára og hefur meðal annars þjálfað Esbjerg og Horsens.
Á leikmannaferlinum þá kom hann meðal annars við hér á Íslandi og lék með Þór Akureyri í 2. deildinni árið 2000. Þá kom hann á lánssamningi frá Mydtjylland.
Í viðtali við in.fo segist Jonas Dal spenntur fyrir nýrri áskorun og að fjölskylda hans líti á þetta sem ævintýri. Hann viti að miklar kröfur séu á árangur hjá HB og hann sé að setjast í heitasta sæti Færeyja.
Athugasemdir
