Spánn: 16 ára gamall Yamal skoraði tvö í neyðarlegu jafntefli Börsunga

Leikurinn var spilaður Ólympíuleikvanginum í Barcelona þar sem unnið er að endurbótum á Nou Camp.

Yamal skoraði á 14. mínútu leiksins eftir fyrirgjöf Joao Cancelo, en varnarleikur liðsins hefur oft verið þeirra akkilesarhæll á þessari leiktíð. Ricard Sanchez skoraði jöfnunarmarkið undir lok fyrri hálfleiks og tókst þá lánsmanninum Facundo Pellistri að koma Granada yfir þegar hálftími var eftir.

Robert Lewandowski svaraði fyrir hönd Börsunga þremur mínútum síðar, en varnarmenn liðsins sáu sig tilneydda til að taka boltann aftur úr netinu á 66. mínútu er Ignasi Miquel skoraði fyrir Granada.

Yamal, sem átti stórleik, bjargaði andliti fyrir Barcelona með öðru marki sínu tíu mínútum fyrir leikslok. Táningurinn stóð upp úr í leik Barcelona þó úrslitin hafi verið neyðarleg.

Barcelona er nú tíu stigum frá toppliði Real Madrid þegar fjórtán umferðir eru eftir. Meistararnir þurfa kraftaverk til að eiga möguleika á að endurheimta titilinn.

Úrslit og markaskorarar:

Barcelona 3 - 3 Granada CF
1-0 Lamine Yamal Nasraqui Ebana ('14 )
1-1 Ricard Sanchez ('43 )
1-2 Facundo Pellistri ('60 )
2-2 Robert Lewandowski ('63 )
2-3 Ignasi Miquel ('66 )
3-3 Lamine Yamal Nasraqui Ebana ('80 )

Mallorca 2 - 1 Rayo Vallecano
1-0 Antonio Sanchez ('48 )
1-1 Alvaro Garcia ('76 )
2-1 Vedat Muriqi ('90 )

Sevilla 1 - 0 Atletico Madrid
1-0 Isaac Romero Bernal ('15 )