Kolbeinn Þórðarson byrjaði og spilaði allan leikinn fyrir Lommel í Íslendingaslag gegn Union Saint-Gilloise. Aron Sigurðarson byrjaði fyrir Saint-Gilloise og spilað 78 mínútur.

St. Gilloise gerði Lommel greiða um síðustu helgi en það var ekkert svoleiðis upp á teningnum í kvöld.

Staðan var markalaus í hálfleik en St. Gilloise komst yfir í byrjun seinni hálfleiks og vann að lokum 2-0.

Aron og félagar eru komnir upp um deild, en Lommel er sem stendur í þriðja sæti, átta stigum frá öðru sæti.