Skoski framherjinn Steven Lennon skoraði í dag 100. mark sitt í efstu deild er hann hjálpaði FH að vinna 6-1 stórsigur á ÍA á Kaplakrika velli. Hann er eini útlendingurinn í sögu efstu deildar sem hefur komist í 100 marka klúbbinn.
Lestu um leikinn: FH 6 - 1 ÍA
Lennon kom til Íslands fyrir ellefu árum og spilaði þá fyrst með Fram en hann skoraði 13 mörk í efstu deild á þremur tímabilum sínum þar áður en hann fór í FH.
Skotinn hefur gert frábæra hluti á tíma sínum í Hafnarfirði en þrisvar sinnum hefur hann skorað tíu mörk eða meira í deildinni.
Hann gerði 15 mörk í deildinni árið 2017 og endaði þá annar markahæstur er FH hafnaði í 3. sæti deildarinnar. Tveimur árum síðar gerði hann 13 mörk og var aftur annar markahæsti leikmaðurinn og aftur hafnaði FH í 3. sæti.
Lennon var að eiga sitt besta tímabil fyrir FH fyrir tveimur árum áður en deildin var flautuð af. Hann hafði skorað 17 mörk í 18 deildarleikjum og var markahæsti maður deildarinnar. Hann var að stefna á markametið en eins og áður segir var deildin flautuð vegna Covid-19.
Í dag náði hann merkum áfanga er hann gerði fimmta mark FH í 6-1 sigrinum á ÍA. Þetta var 100. mark hans í efstu deild og er hann eini útlendingurinn til að ná þessum áfanga.
Aðeins fjórir aðrir hafa náð þessum áfanga í deildinni. Tryggvi Guðmundsson, Ingi Björn Albertsson, Atli VIðar Björnsson og Guðmundur Steinsson. Öflugur klúbbur.
🏴 Steven Lennon 🗣 Hi guys I’m new here 🙋♂️
— Áhugaverðar staðreyndir um íslenska knattspyrnu (@OReyndir) September 11, 2022
1️⃣0️⃣0️⃣ marka klúbburinn ⬇️
💯⚽️
◎ Tryggvi Guðmundsson: 131
◎ Ingi Björn Albertsson 126
◎ Atli Viðar Björnsson 113
◎ Guðmundur Steinsson 101
◉ Steven Lennon 100 🆕#Bestadeildin #fotboltinet pic.twitter.com/O1bst7ZBiQ
Athugasemdir