Öllum fótboltaleikjum var frestað um helgina vegna andláts Elísabetar Bretadrottningu, sem lést 96 ára að aldri, á þriðjudag.

Breska ríkisstjórnin setti ekkert bann á íþróttaviðburði um helgina, heldur var það í höndum fótboltayfirvalda.

Enska úrvalsdeildin sendi frá sér tilkynningu á föstudag og greindi þar frá því að umferðin færi ekki fram þessa helgina, eitthvað sem hefur fengið mikla gagnrýni, en ástæðan var sú að stuðningsmenn félaga gætu eyðilagt annars fallegan gjörning með níðsöngvum.

Sky Sports greinir frá því að neðri deildirnar á Englandi fari aftur af stað á þriðjudag. Það eru þó líkur á því að einhverjum leikjum verði frestað vegna skorts mannafli frá lögreglunni.

Elísabet verður borin til grafar mánudaginn 19. september klukkan 12 á íslenskum tíma, en enska úrvalsdeildin hefur ekkert gefið upp hvort það verði spilað eða ekki um næstu helgi.