Fótbolti.net

Halli: Er ekkert í þessu til að hefna fyrir eitt né neitt

Halli Hróðmars: Orðið ansi þungt leik eftir leik

Úlfur Ágúst: Ég reyndi og sem betur fer fór hann inn

Jökull: Við vorum líklegri og sköpuðum betri færi

Heimir Guðjóns: Vítið sem Stjarnan fékk var rangur dómur

„Ekki búin að því og ég veit ekki hvort maður muni gera það"

Svaf ekki mikið - „Þurfum að nota þetta sem spark í rassinn"

Sár, svekkt og leið - „Ég er ekki sú ferskasta núna"

„Þetta er ekki upplifun sem ég hef fengið áður"

Steini: Ég er með samning áfram

Guðrún: Mikið af knúsum og ekki mikið af orðum

Cecilía: Leiðinlegt að hafa ekki gert meira fyrir þau

Karólína Lea: Það er langt síðan ég hef grenjað svona

Magnað viðtal við Glódísi - „Mun aldrei fyrirgefa mér það"

Ingibjörg meyr: Við ætlum að fokking vinna Noreg

Dagný: Ég hefði viljað ná að brjóta

Haddi: Ég skil ekki af hverju allir efast um Viðar

Ívar Örn: Það fer okkur mjög vel að spila hér í Laugardalnum

Grímsi: Vonandi er stíflan brostin sem ég er búinn að vera að glíma við

Óskar Hrafn: Ekkert grín að vera með þrjá fullvaxta karlmenn sem fá að faðma þig

mán 11. september 2023 14:00

Guðmundur Aðalsteinn Ásgeirsson

Óskar um skiptin til Noregs: Gerðist á einhverjum 2-3 dögum

Óskar Borgþórsson.

Mynd: Fótbolti.net - Hafliði Breiðfjörð

Óskar spilaði frábærlega með Fylki í sumar.

Mynd: Jónína Guðbjörg Guðbjartsdóttir

„Þetta var mjög stuttur fyrirvari. Þetta gerðist á einhverjum 2-3 dögum eða eitthvað," sagði Óskar Borgþórsson, leikmaður Sogndal og U21 landsliðsins, í samtali við Fótbolta.net í dag.

„Þetta c og þetta gekk mjög hratt fyrir sig. Mér fannst þetta alveg smá erfitt, að fá tvo eða þrjá daga til að kveðja alla. Það var erfitt fannst mér."

Óskar var elskaður í Árbænum og var sérstaklega vinsæll hjá ungu kynslóðinni í Fylki.

„Ég var búinn að vera í Fylki í 15 ár, búinn að æfa þarna síðan ég var fimm ára. Það var mjög erfitt að kveðja Fylki og sérstaklega á miðju tímabili."

Hvað var það sem heillaði við Sogndal?

„Félagið er með tvo Íslendinga í Valda og Jónatan sem eru búnir að taka mjög vel á móti mér. Þeir spila mjög góðan fótbolta og eru í góðum möguleika á að komast upp í norsku úrvalsdeildina. Þjálfarinn, Tore Andre Flo, mér líst mjög vel á hann. Mér leist mjög vel á þetta og þetta er búið að vera mjög gaman."

Tore Andre Flo spilaði með Chelsea á sínum ferli. „Það er ótrúlega gaman að vita að hann var í Chelsea í fjögur ár. Maður lítur ótrúlega mikið upp til hans og það er geggjað að hann sé þjálfari manns."

Jónatan Ingi Jónsson og Valdimar Þór Ingimundarson eru einnig á mála hjá félaginu en Óskar segir að sé gott að hafa þá til staðar. „Ég er að flytja í fyrsta skipti til útlanda frá fjölskyldunni og vinum. Þeir tóku ótrúlega vel á móti mér og eru búnir að vera mamma mín og pabbi þarna úti, svona eiginlega."

Þetta er ógeðslega gaman
Óskar, sem hafði spilað frábærlega með Fylki í sumar, er núna í U21 landsliðinu fyrir fyrsta leik í undankeppni EM gegn Tékklandi. Hann er spenntur fyrir verkefninu.

„Það er ógeðslega gaman að vera hérna með strákunum og sérstaklega hérna á Íslandi, að koma heim í smá," sagði Óskar. „Ég er búinn að sakna Íslands smá. Þetta er ógeðslega gaman."

„Við spiluðum mjög vel á móti Finnlandi og við ætluðum að gera nákvæmlega eins á móti Tékklandi. Við ætlum að gera þetta fyrir Ísland."

Hægt er að sjá allt viðtalið í spilaranum hér fyrir ofan.